Berlin : Lyazid Abid ilmend n Yennayer 2967

BERLIN (Tamurt) – Ilmend n Yennayer 2967, sarameɣ awen asseggas ameggaz, tazmert d teɣzi n leεmer. Ma yella nebɣa, nezmer aneqdec i wakken ad yelli ussegass agi amaynut d asseggas ara ad yawin tilleli i tmurt nneɣ, bɣiɣ ad iniɣ d asseggas anda ara adibed lsas n tmurt n Iqbayliyen. I tmurt nneɣ tis-snat nessaram-as lǧehd d tdamsa ak d laman. Ilaq atas n lǧehd i wakken a t-naɣ rrebrab iḥuzen tamurt talmanit.

Tuget n yeqbayliyen (izwawen) ass-a, ẓran d acu i d-heggan izzayriyen i teqbaylit (tezwawt) seg wasmi yebda umennuɣ akk d umnekcam afṛansis, maca si Tefsut n tmanyin ar ass-a Izwawen mazal-iten ckuntḍen deg ijifar n Lezzayer taṛasist d udabu i ɣ-iqqazen aẓekka. Uqbel ad tefru lgirra d umnekcam afṛansis, adabu azzayri ira ad ibeddel tamurt-nneɣ…

Tamuɣli ɣef uzɣuzer

Ar leḥsab n umeddakel agi nneɣ Albert Memmi, azɣuzer* ur yuḥwaǧ ara ad ifeccec* akken ad yesseɣli af wiyaḍ bac aten-yaεzel. Tamxaleft-ines*, ur tuḥwaǧ ara akken ad d-sbeggen iman-is, ad d-ttuεeggen am usenǧaq*at-walin medden: llsas ines ires ɣef tmezdart* n wiyaḍ, widak it-ixulfen. Tucḍa ar wennar n uzɣuzer, yeshel ɣef yiwen akken ad yemmil ɣer-s, ar daxel-is. Amek ar yesber umdan ɣef ulɣib* i isehlen maḍi ? Wagi d ayen ur nhellek win u ɣur deg i d-iffeɣ, imi yebna af lexsar, n uṣṣubbu n lɣir ddaw. Anwa ara yagin beqqu yagi i ysehlen s waṭṭas*.

Deg useggas n 2002, adabu n tmurt n Lezzayer yukkez (yeɛqel) tamaziγt s wudem unsib, yerra-tt deg tmendawt yerna yefka-yas aẓayer n « tutlayt taγelnawt daγen » (= langue nationale également). Awal-a « daγen » yeskanay-d kra n lemɛun. Tanfalit-a i d-yeqqaren : ula d tamaziγt d taγelnawt, tekkat-d s lemɛun, teqqar-d belli tella tutlayt-nniḍen i tt-yezwaren, i yellan yakan d taγelnawt. Dγa, neḥsa akkit anta. Lemmer nnan-d belli taɛrabt d tutlayt tunsibt n uwanek n Lezzayer, tili d ayen-nniḍen. Maca rnan nnan-d d taγelnawt, dγa aya d tikerkas, acku tutlayt-a d taberranit, d tawerdalit.

Ḥekkun-d at zik, qqaren-d dakken lɛar meqqren n Uzwaw mi ara yunag, ad iruḥ ad yeǧǧ at uxxam-is, at taddart-is …s yiwen n wawal : widak-is.Yewwi-d ahat ad nebdu ad d-nessegzi anamek n wawal “lɛar”. Meɛlum, am wawalen akkit n teqbaylit, “lɛar” ila ahat inumak gten. Maca anamek i nra ad as-nefk da, deg umagrad-a, d win i-t-yezdin ɤer wawal-nniḍen : taqbaylit. Awal-a “taqbaylit”, am “lɛar”, ila krad n yinumak igejdanen. Amezwaru, d tameṭṭut n Tmurt (n Yiqbayliyen) ; win sin d tutlayt n Yiqbayliyen ; aneggaru d anagraw n wazalen swayes tleḥḥu tmetti taqbaylit zik-nni, deg yiwet n tallit akken.

Deg wamur amezwaru n umagrad-a, mmeslayeɤ-d aṭas ɤef tiẓrakti* taɛrabt-tineslemt ; ɛerdeɤ ad d-sekneɤ leɛyub-is akked tikerkas yellan deg-s ; ɛerdeɤ daɤen ad d-iniɤ belli “tmellek” kra seg Yimaziɤen ; tmellek-iten, tezdeɤ-iten akken zeddɤen leǧnun imdanen. Dɤa, iban-awen lḥal, win yezdeɤ uǧenniw, yettusemma d azgen n umdan, imi ur yeksib ara leɛqel-is akkit ; yettusemma d amexlul, d amehbul, d ameslub, …