Imaziɣen Irifiyen mlalen di Lalman, suɣen ɣef izerfan-nsen

Imaziɣen Irifiyen mlalen di Lalman, suɣen ɣef izerfan-nsen

«Rif-nneɣ merra, lmexzen berra!» Atan amek isuɣen kra n 300 n Imaziɣen Irifiyen yemlalen ass n 10.06.2017 di tlemmast n Frankfurt am Main/Lalman.

Timlilit-a d asmekti n tmegreṭ tewwi temsulta (la Police) n Lmerruk, tenɣa mass Mouhcine Fikri aseggas iɛeddan.(Ẓer tamurt.info n 20.02.2017).

S wanay amaziɣ akkd win n Abdelkrim El Khattabi Imaziɣen Irifiyen sseknen-d udem-nsen amaziɣ. Annect-a nnan yessefk adabu amarruki a t-iqader. Llan daɣen yad yennan annect-a ula s tutlayt taɛrabt, iwakken a t-yefhem udabu amerruki.

Dɣa nnan awanek amerruki yessefk ad yessufeɣ „lɛeseker-is” si tmurt n Rif; yessefk ad yebnu yiwen n sbiṭar akkd d yiwet n tseddawit di tmurt n Rif.

Imaziɣen Irifiyen nnan tikli mgal tamḥeqranit n wegdud-nsen sɣur adabu amerruki atan ad tkemmel!

aqcic_arifi
Aqcic arifi s wanay amaziɣ

Partager cet article

Post Comment

*