Nihal, a yelli n tasa!

Nihal, a yelli n tasa!

Seg assmi id-ewweḍ yir asali n uxḍaf n Nihal, taqrurt n 4 isegassen, deg At Wasif, d nek ddubzaγ, tqelqaγ. Kra n win isâan tarwa iẓra dacu i γef id-ttmeslayeγ. Acku ayen umi neqqar s teqvaylit tasa n tyemmatt d ayen ur t-tefreḍ, ur tettγebbiḍ, ur t-tettuḍ. D aγilif i ittqejjimen deg umdan cwiṭ cwiṭ. Ula d yelli tesâa 4 iseggassen, ula d yelli limer d-ufi iman-is ddinna, imiren, assen d nettat ara awin. D aya i itezzin deg iqerray nneγ u d aya i γef tγaḍ ugar n medden nniḍen.

Akken d-nnan, ufan tafekka ines taleqqaqt di yir udem. Tettwanγa s tekriḍt. Qqecmen-tt meskint kan akken d llufan. Âedmen-tt ur tuklal, ur teẓri ayen. Maca akka tura,aseqsi iccan aqerruy-iw d win ahaqel iccan aqerruy imawlan is: ayen? Dacu tuqem teqcict n 4 iseggasen akken ad as gedlen tudart? Amek i tezmer ad tḍur amdan almi is ikkes rruḥ? Wisen.

Akka tura yiwen ur iẓri dacu i iḍran. Maca ma illa nger tamawt ar temsal icuvan tigi deg utaram, imi tuqtent dagi, anaf ur tgi acemma Nihal. Macci deg-s nettat i tella tyersi. Deg uqerruy n win is-igan akka i terwi tebberwi. D amsuḍ agi i isluγen tidett, i isumsen avrid azedgan. Dagi tukarḍa n llufanat d ipidufilen iten ittakren. Taẓfit ipidufilen tluγ, terwi. γef llufanat kan d imeẓyanen ittewten. Yerna mi ukren yiwen ad t-arzen acḥal izemren maca ar tagara, ṭaqa seg-sen, neqqen-ten. U ṭaqa seg-sen wid iten yukren ssnen-ten, d wid isen ittilin neγ d wid isnen.

Ayen ivγu illa wagi inγan Nihal ilaq ad ixelles ayen ur icci. Ad izri di tγanimt n teγdemt. Limer mazal azref aqvayli am zik, ad tivrik fell-as tudart. Ala timedlin ara t-iṣren. Ma d assa, nejja-tt i wid illan nnig nneγ maca nutni γur-sen ahat ur iqris uyeddid ir nγilen waman.

Ma d imawlan n Nihal atnin am wid ak iccan tarwa nsen. Tayemmatt ur illi wayen ara tt isebṛen. As tirzig tudart sya d afella fell-asen. Ma d vava-s, ad tezzi temgarḍt d ttar deg uqerruy-is yerna ur izmir i kra. Ad ikkuffer kan ad iqqim. Ad tent yaγ ar daxel. Ssarameγ-asen tavγest d talwit deg ul d tasa. Nihal ssarameγ ad – sgunfu u ad t-sers iγessan-is di talwit i levda.

 

Share This Post

One Comment - Write a Comment

Post Comment


*