Tadiwennit akkd ucennay n teqbaylit Karim Beca

Tadiwennit akkd ucennay n teqbaylit Karim Beca

Tadiwennit (Tamurt) – Karim Beca d yiwen seg xilla n yicennayen id tefka teqbaylit,seg taddart  n ugemmun deg at ɛisi,lɛerc n at dwala,nesteqsa-t,yuli-d ɣef usayes I tikelt tamezwart deg useggas n 1982, yefka-yas ucennay ameqran Dda Lwennasz tabɣest ɣef waya mi t nesteqsa, hataya wacu id yenna.

Azul a mas ini-d anwa id Karim Beca ?
Deg tazwara azul a gma tanemmirt imi iyid tefkiḍ awal,nek d Karim Beca d yiwen uccenay n tezlit taqbaylit kerɣed deg at ɛisi,lɛerc n at dwala,seg taddart n ugemmun (agemmun).

Amek id tnejreḍ abrid ɣer n wannar n cna n teqbaylit ?
Ḥemmleɣ cna si temzi seg-asmi sɛiɣ 13 iseggasen deg tudert-iw, ma deg useggas 1981 ɣer 1982 sɛedaɣed larmi,mi defɣeɣ kecmeɣ deg 1991 ɣer ustudyu,skelseɣ tasfift tamenzut.

Melmi i tebdiḍ cna,u acḥal id tesufɣeḍ n tesfifin s yiseggasen-nsent ?
Akken iyak nniɣ seg temẓi,deg useggas n 91 skelseɣ tasfift tamenzut s uzwel tin iruḥen u tefɣed deg useggas 1992,ma d tis-snat deg 94 s uzwel « tinebgit »anda ara snemreɣ Dda Lwennas i yellan yidi deg ustudyu deg akud-nni,ssin akin almi d 97 s tesfift « ḥubbeɣ lferḥ »deg 99 « tamsalt n Lwennas »,2004 udem n tafat,taneggarut deg 2010 s uzwel lmuja n tayri.

Ahat tesɛiḍ kra n isenfaṛen ɣer zdat ?
Yella umaynut maca akka tura ulac ɣuri allalen iwulmen iwakken ad skelseɣ,yerna taggara-ya caṭen wuguren deg uḥric n yizerfan umeskar,akk d wugur n teẓrigin.

Amek i tettwaliḍ tizlit taqbaylit ass-a ?
Akken twaliɣ tizlit taqbaylit ass-a d akken ulac tamzuɣt ara yeslen i leqdic-nneɣ ulac wid ara yeslen i umeslay zdiggen ,cna-aggi taxfafat uɣur malen aṭas leqbayel.Skud mazal tarwa leḥlal mazal asirem.

Anwaten yicennayen n teqbaylit i ɣer id tugmeḍ ?
Ugemɣed ɣer yicennayen n at dwala am n ccix lḥesnawi d lwennas id yefka udem yelhan deg ubrid-is u nek aqliyi deg ubrid-nsen deg uɣanib-agi n ceɛbi s tmusni-yiw nekki-ni.

Awal n taggara s wacu ala nessali tadiwenni-ta …
Sarameɣ kan mači d awal anggaru swayess ara nekfu tadiwennit-agi u ad greɣ tiɣri i leqbayel i merra ad-saɣen iḍebsiyen-nneɣ,tanemmirt s tusda i keč i yid yerkan awal.

Yeseqsa-t Maklidir Iɣil wis

Partager cet article

Post Comment

*