Asarag n Mass Lyazid Abid di Freiburg ilmend n yennayer 2966

Asarag n Mass Lyazid Abid di Freiburg ilmend n yennayer 2966

FREIBURG (Tamurt) – Akken i ẓerreɣ, leɛnaya n Yennayer tettimɣur yal assegas. Dayen yessefraḥen. Di Tmurt-nneɣ, Tamurt n,Iqbayliyen amenzu n Yennayer d tassarut n ussegas amaynut i nessarem yal tikkelt aɣ-d yezzi s tlelli, talwit, tazmert, lxir i yiɣerfan n tmazɣa.

Ma tecfam, kra n issegasen ɣer defir, ur nezmir ara a d-nini nekni d Imaziɣen. Ur nezmir ara a d-neffeɣ s abrid  a nqabel amenzu n Yennayer. Adabu n Lzzayer i rekṭṭen izerfan n Imaziɣen, i rekṭṭen tamurt-nneɣ akter wayen rekṭṭen irumyen, aɣ-iqar tella tɛarbubt d lislam ulac ayen nniḍen. Aɣ-d iqar idles ilul d ass mi d-ilul Mohamed. Ayen yellan weqbel, am Cacnaq-agi nwen, dayen ur  nesɛi azal.

Yettu anisa id-neqqers (?). Yettu nekni d d aɣref n nnif d tirrugza.  Amek ara a nẓer anda nteddu, ma yella ur nezṛi ara d acu-yaɣ ? Ass-a mi nezṛa d acu yaɣ, mi nebɣa tilelli-nneɣ, ihi, ilaq a nesiweṭ, ur nberru ara i ṭbel deg waman. Neɣ ala ?

Amezruy yessawal weḥdes. Idles-nneɣ iteddu yakk d tugdut, yakk d wayen ssaramen yakk igduden-neɣ  iɣerfan di ddunit.  Nekni nettqadar wiyiḍ, Nekni ur nenneq ara. Nekni d aɣref i ḥemmeln ddunit. Akka i nebɣa a nedder d ilelliyen. Win iɣ-yerran d cweṭ a t-nerr d ulac. Ma yella d  adabu azzayri ibɣa a namen s tmucuha. Ibɣa a namen belli d taɛarabt i d tasarut n lğennet.

Adabu azzayri yewwet s wayen yezmer i waken ad yesenger tutlayt-nneɣ, ur yessaweḍ ara. Imi ur yezmir ara ad ineɣ Tamaziɣt, a-ɣ  d-yeqar assa tamaziɣt d tulayt tunṣibt. Ay aytma annecta mačči d ayen isefraḥen. Yernu d acu n wezref is-yugran, i wdabu amesbaṭli i yecban wagi, i wakken ad yerr tamaziɣt tutlayt tunṣibt ? Ma llan wid istehlen annect-a d yid innuɣen, immuten, wid yenɣa udabu yagi yaken.

Tixnunas-agi i wakken ad inin i yibeṛaniyen aqlaɣ nḥemmel tugdut, nesɛa yiwen n yiswi (but). Bɣan ad seţţun timura tibeṛaniyen i wakken ad ḥeqren imaziɣen iteddren di Lzzayer. Akken xedmen tura yakan i Yemẓabiyen, neɣ i yeqbayliyen imi gezmen asen abrid  n tlelli-nsen.

Mačči d ayen-nniḍen i d-yeqsed udabu azzayri s tmaziɣt tunṣibt. Imi mačči d niyya-s ad yerr tamaziɣt d tutlayt tunṣibt. Tenwam izmer ad i sussem ɣef tmaziɣt? Ur yezmir ara ! Atan Lmaṛuk yerra deg ussegas n 2011 tamaziɣt d tutlayt tunṣibt.  Adabu azzayri yettwaḥres. Ulac d acu is-d yegran, ala  a tt-yerr d tunṣibt i wakken a tt-yerkeḍ akken i s-yehwa.

Ẓert kan akken i d-yura annect-a: Tamaziɣt d tutlayet tunṣibt defir taɛrabt. Am akken tamaziɣt d tarbibt n taɛrabt. Am akken tutlayt-nneɣ d tutlayet ur nesɛi azal. Aɛraben-agi ttun yakan belli  d tamaziɣt i d tutlayt tamazwarut di Tmazɣa. Taɛarabt-agi, neɣ tafransist d tutlayin tibeṛaniyin. Akken is-tenna yiwet n temɣart : “lukan a d-yuɣal stiɛmaṛ a s-neḥku acu ig yexdem stiqlal”. D acu kan awal iğğa-t-id Lwenas lada asyeɛfu Ṛebbi: „ul’ ayɣer nerğa assirem a nsened f sbar, amsedrar ur iḥekkem …”

Ma yella ass-a Imaziɣen, Iqbayliyen, Imẓabyen, Itargiyen,  Icawiyen, Irifiyen… sɛan azal, ma yella ass-a nefreḥ s tmaziɣt-nneɣ, a nerr tajmilt i yineɣmassen n tmazight. Aṭas a yellan ass-a da gar-aneɣ, Aggur, Akli Azwaw, Masin Ferkel, Dda Ahmed, Dda Kader, Hsen ammour, Sadek Hadjali, Dany, Azzeriw, Kamel Bettache, Yaɛkoub, Ali O. Mohand yak d Louisa, Kader D.  Ma ttuɣ yiwet/yiwen gar-awen sureft-iyi,

D kunwi i d lḥerma n tmurt-nneɣ d kunwi i d udem n tirrugza, i d nnif n tmazɣa, d kunwi i derya n massinissa. Massinisa i d-yennan „ifriq iy ifriqen“. ɣef izerfan-agi i mmuten imzewura : Mbarek Ait Menguellat, Amar Ould Hamouda, Masin Uharun, 127 Ilemẓẓiyen aseggas n 2001 yak d luluf itwajerhan.

Ama widak agi ur nesɛi laṣṣel. A d-yass wass-nsen. Neẓra ɣef acu i tebnan. D Bouteflika i yellan d aneɣlaf n fln seg 62 ar tura mazal-it d asselway n tmurt deg useggas n 2016. lemmer d ineɣlafen n Konrad Adenauer i mazal ɣef uqeṛṛu n tmurt n Lalman, tilaq lalman ass-agi ur d- tetsufuɣ ara ula d tabeṛwiṭ.

Aɣref aqbayli, Afraniman i Tmurt n Iqbayliyen (MAK) ɣef uqeru-is Mass Bouaziz Ait Cebib, Anavad aɛdel  aqbayli, ɣef uqeru is Mass Ferhat Mehenni, Imẓabiyen, ɣ ma yella shebsen Dr Fekhar, Itargiyen kkaten i wakken ad siwḍen tiɣri-nsen i Iɣlanen yeddukklen  ahat ad afen afus ara ten-yissewden  ɣar tlelli-nsen.

Ma tecfam assegas n 2011, akabar azelmaḍ “die Linke” n tmurt-agi talmant, a sen-iniɣ tanemmirt, tanemmirt tameqrant i massa Ulla Jelpke, iɣ-d yefkan afus i wakken a nemmeslay di  Bundestag ɣef izerfan n tmurt n Iqbayliyen, ɣef umusu n timanit imiren, ɣef unavad. Adɣa tceggeɛ massa Merkel tabrat i Yizzayriyen rran-as-d, nnan-as: Iqbayliyen ulac d acu iten-yuɣen. Teddren di tlelli. Sɛan sin ikabaren, sawḍen sɛan ula aneɣlaf amezwaru n tmurt n Lzzayer. Uyahya d aqbayli yerna tamaziɣt tella di likul, …

Ass-a qaren tamaziɣt tunṣibt, ihi iḍelli ila kran ig xuṣṣen neɣ ala ?

Ssamareɣ ad fiqen walmaniyen, d irumiyen sumata belli adabu-agi n Lzzayer iskiddib. Mačči kan ulac deg-s laman. D aɣbel i Yimaziɣen akken ma llan.

Ihi, aɣelnawt (nationale) neɣ tunṣibt (officiele), laman deg-sen  ifukk. Abrid-nneɣ ɣer tlelli yenğer.

Ad ddren imaziɣen

Ad yedder weɣref aqbayli

Ad yedder unavad aqbayli.

Lyazid Abid,  Freiburg, ass n 23/1/2016

Partager cet article

Post Comment

*