Yir tawenza

Yir tawenza

Ugar n 3 iseggassen ayagi d Imẓaviyen ddren di demaṛ d lḥif. Ussan agi izrin sserγen-ten d imudduren. Wanag mi tekker akken gar asen ilindi d seldilindi nutni d Waâraven icâibiyen ur ten tezgil yiwet: tiyita, rregma, assusef, lḥevs tamḥeqranit, yir awal, acennef, iẓri fell-asen s nqar n tiṭ. Xarttum d rruḥ kan isen jjan ittali ittṣubu. Wisen i wacu-t di tudart am ta? Maca tura am akka imi Aâraven ddan yidsen ijjadarmiyen d isardasen nsen. Yak nutni sâan tamurt wanag Imẓaviyen msakit teḍra yasen am nekni da. Tawenza nsen d tin nneγ yiwet.

Kamaleddin Faxar, yiwen waggag nsen issekn-d aṭas n tikkal i umaḍal lḥif i deg ddren Imẓaviyen am netta. U myal tikkelt issaram ad ttili tugdut d teγdemt di Llezzayer d tirni akken ahat ad ten id-ḥaz nutni s Imẓaviyen. Ismektay iy-id s tmuγliwin d wawalen n Igawawen deg iseggassen n 80 d 90. Maca ma illa vγan ad lemden Yemẓaviyen kra seg umezruy Igawawen ilaq ad ḥsun d akken amennuγ γef Llezzayer d tirni d aḍegger n wakud. Maca icebba yi-d rebbi mazal amecwar nsen ad yiΓzif ad yihriw Akken ad akin d nda mi tekkat. Ayen nevγu nenni asent assa i Yemẓviyen ur as d-ttaken ara tameẓẓuγt acku mazal γilen iman nsen d Izzayriyen am wiyiḍ.

Tura tella yiwet n temsalt issemgarden imennuγen nneγ nekni d Imẓaviyen: ddin. Imẓaviyen ttewten γef tneslemt maca Aqvayli iγunfa-tt. S tneslemt qqarγen Izzayriyen ugar nneγ. Ahat d aya is iγilen zemren ad msefhamen imi di ddin nsen d …atmaten illan. Ad uγalen ad akin.

Ar tama Imẓaviyen llan Ittargiyen. Nutni daγen ttemâuâuden kan am yizan di lkas. Niqal ḥellan-d tamurt nsen n Uzawad. Tekka kan kra γlin fell-asen Iṛumyen mmeḥqen-ten. Sseba tella: dduklen d Inselmen n AQMI. Nutni daγen d ddin isen tt yundin. D tineslemt daγen i ten iṭfen am umargu di texfett.

Dighen netta assa atenin ddaw uḍar n tarwa n Mali d Llezzayer s ufus n Fafa ucaylellah! Akken qqarent temγarin! Tawenza nsen am tin nneγ d tin n Imẓaviyen.

Ma d Icawiyen d Icenwiyen ur asen nesli ara aṭas ayagi. Wisen ddren neγ ddan di lḥemla. Maca tawenza nsen nutni daγen d yir tawenza. Am tin nneγ. Am tin Itargiyen. Am tin n Imẓaviyen. Yir tawenza tenteḍ Amaziγ anda ivγu illa, akken ivγu innuγ d icenga-s.

Wisen ayen? Ur nezmir ara i yiman nneγ? Nettagad dγa nerked? Newwi daâwessu? Neγ ahat ur nefṛiz ara ar assa akken i wata acengu nneγ n tidett. Win akken iγ yurzen deg iqerray. Win akken iγ ijjan neqqim d ineggura.

Tuγal amzun d timseaâreqt: dacut dacu-t?

Partager cet article

Un commentaire - Écrire un commentaire

Post Comment

*